Sgwrs:Tu ôl i’r Llenni: Darganfyddiadau anhygoel o’r Five Mile Lane

Dewch i edrych tu ôl i'r llenni i weld rhai o'r darganfyddiadau diddorol o'r Five Mile Lane, ger y Barri, gyda'r curadur, Dai Hill.
Mae hirhoedledd anhygoel y safle a'i amrywiaeth o ddefnydd wedi cynhyrchu trysorau rhyfeddol a dirgelion cyfareddol. Byddwn yn edrych ar wrthrychau sy’n amrywio o safleoedd claddu Oes yr Efydd, i ffermydd Oes yr Haearn, Filas Rhufeinig ac i fynwent Ganoloesol Gynnar nodedig iawn. Byddwn hefyd yn archwilio'r storfeydd archaeolegol ac yn gweld gwerth casgliadau fel hyn i'w defnyddio mewn ymchwil yn y dyfodol.
 

Gwybodaeth Bwysig

• Bydd y daith yn para tua 60 munud. Cwrdd wrth y Ddesg Docynnu yn y Brif Neuadd.
• Cynhelir y sgwrs hon yn yr ystafell astudio arteffactau Archaeolegol.
• Mae'r daith yn costio £8 y pen.
• Bydd y daith yn cael ei chynnal ym mamiaith y curadur, sef Saesneg.
• Oherwydd natur tu ôl i'r llenni'r daith, bydd rhai gofodau lle byddwch chi'n agos iawn at ymwelwyr eraill a'r curadur.
• Allwn ni ddim rhoi ad-daliad ar gyfer tocynnau, a fyddwn ni ddim yn ad-dalu neu’n cyfnewid tocynnau i bobl sy'n cyrraedd yn hwyr.