Digwyddiad:Stori Amser Gwely gyda Babis Bach Babies

Amgueddfa Genedlaethol Caerdydd
Dim lle ar ôl

Awn ni i'r lleuad ac yn ôl cyn amser bath? Beth Nesaf? Ymunwch â Babi Arth wrth iddo adeiladu roced, gwneud ffrindiau gyda thylluan a chael picnic ar y lleuad!  

Dewch i swatio yn eich pyjamas mwyaf cyfforddus, cwtsho eich hoff dedi a mwynhau noson hudolus o gerddoriaeth a straeon o dan Amgueddfa’r Lleuad. ⁠ 

Rydyn ni'n dod â chlasur annwyl Jill Murphy Beth Nesaf? yn fyw mewn sesiwn ddwyieithog (Cymraeg a Saesneg) fydd yn llawn straeon, cerddoriaeth telyn fyw, canu a chwarae offerynnau. Perffaith ar gyfer babanod, plant bach a phlant hyd at 7 oed. Mae rhywbeth i bawb! 

Mae Babis Bach Babies yn cyfuno cerddoriaeth fyw gan gerddorion clasurol ag adrodd straeon rhyngweithiol. Nod eu sesiynau yw cefnogi addysg blynyddoedd cynnar drwy annog dysgu ieithoedd yn y Gymraeg a'r Saesneg, cyflwyno themâu amserol drwy ganeuon a symud a datblygu hyder drwy gymryd rhan.  

Bydd Cathryn McShane-Kouyaté hefyd yn cyfieithu'r ddwy sesiwn mewn Iaith Arwyddion Prydain. 

Am ragor o wybodaeth, ewch i: Babis Bach Babis | Cerddoriaeth fyw i fabanod a phlant 

Gwybodaeth bwysig: 

Mae'r sesiwn yn berffaith ar gyfer babanod a phlant bach hyd at 7 oed – ond gall unrhyw un ymuno yn yr hwyl! 

Caiff y digwyddiad ei gynnal yn y Brif Neuadd o dan ein lleuad newydd! Bydd matiau i eistedd arnyn nhw. Mae croeso i chi ddod â blanced a gobennydd, ond dim duvets, os gwelwch yn dda. 

Mae croeso mawr i chi ddod â'ch pyjamas a'ch hoff deganau anwes! Cofiwch fod rhaid gwisgo esgidiau bob amser. Efallai dylech chi wisgo'n gynnes hefyd! 

Mae croeso i chi ddod â byrbryd cyn gwely ond dydyn ni ddim yn caniatáu bwyd poeth. Ni fydd ein caffi ar agor ar gyfer y digwyddiad hwn ond bydd dŵr ar gael. ⁠  

£15 ar gyfer un oedolyn ac un plentyn. £8 ar gyfer plant/oedolion ychwanegol. Pan fydd y prif docyn yn y fasged siopa ar-lein, gallwch chi ddewis tocynnau ychwanegol.  

Bydd Cathryn McShane-Kouyaté hefyd yn cyfieithu'r ddwy sesiwn mewn Iaith Arwyddion Prydain. 

Gwybodaeth mynediad i Amgueddfa genedlaethol Caerdydd 

Nifer cyfyngedig o lefydd ar gael. Ni ellir ad-dalu tocynnau ac ni ellir eu cyfnewid am ddyddiad neu ddigwyddiad arall. Gwnewch yn siwr eich bod yn gwbl hapus â’ch dewisiadau cyn archebu.

Diolch o galon i ystâd Jill Murphy am ganiatáu i ni ddefnyddio'r stori. Whatever Next! © 1983 wedi’i ysgrifennu a’i ddarlunio gan Jill Murphy. Cyhoeddwyd gan Macmillan. 
 
Cyfieithiad Beth Nesaf? gan Roger Boore. Cyhoeddwyd gan Dref Wen. 

Gwybodaeth

1 Ebrill 2026, 5yp ac 6.30yp
Pris £15.00 (Tocyn oedolyn a phlentyn); £8.00 (i bob oedolyn a phlentyn ychwanegol)
Addasrwydd Teuluoedd
Sold Out
Storiwr yn siarad gyda plentyn ifanc

© Kelly Rawlings

Darlun o arth yn edrych ar y lleuad tu allan i'r ffenest

© Jill Murphy

Lleuad artifisial yn hongian tu fewn i eglwys gadeiriol

Museum of the Moon gan Luke Jerram (Eglwys Gadeiriol Ely, 2019)

Ychwanegu i Outlook / Apple Calendar Ychwanegu i Google Calendar

Tocynnau

Dyddiad Amseroedd ar gael
1 Ebrill 2026 Sold Out 
1 Ebrill 2026 Sold Out 

Ymweld

Mynediad

Am Ddim

Mae Amgueddfa Cymru yn perthyn i bawb, ac mae mynediad i'r Amgueddfa yn rhad ac am ddim diolch i nawdd gan Lywodraeth Cymru. 

Trwy archebu tocyn diwrnod am ddim ymlaen llaw, byddwch yn derbyn gwybodaeth a diweddariadau allweddol cyn eich ymweliad, gan eich helpu i wneud y gorau o'ch profiad. 

Mae’n bosibl y codir tâl am rai digwyddiadau a gweithgareddau.

Rhaid i blant dan 16 fod yng nghwmni oedolyn bob amser. Am resymau diogelwch, rydym yn cadw’r hawl i archwilio bagiau yn yr amgueddfa

Archebwch eich tocyn am ddim 

Oriau Agor

Oriau Agor y Gaeaf: O ddydd Mawrth 4 Tachwedd tan ddydd Gwener 13 Chwefror 2026, byddwn ni ar agor rhwng 10am-4pm.

Orielau yn cau am 3.34pm.

Ar agor chwech diwrnod yr wythnos: dydd Mawrth i ddydd Sul. Ar gau dydd Llun ond agor ar ddyddiau Llun Gŵyl y Banc. 

Mae mynediad am ddim, ond mae’n bosibl y codir tâl ar gyfer rhai arddangosfeydd, digwyddiadau a gweithgareddau.

Rhaid i blant dan 16 fod yng nghwmni oedolyn bob amser.

Parcio

Mae maes parcio i ymwelwyr tu ôl i’r Amgueddfa, ar Rodfa’r Amgueddfa. Bydd ymwelwyr yn cael tocyn wrth gyrraedd ac yn talu £6.50 am y dydd yn fan talu yng nghefn y maes parcio.

Nodwch, ni fydd y mannau talu yn derbyn arian parod, dim ond taliad cerdyn. Gall ymwlewyr dewis i dalu gan ddefnyddio unrhyw cerdyn credyd/debyd (heblaw American Express) neu Apple neu Android Pay.

Mae parcio am ddim i bobl â bathodyn anabledd. Defnyddiwch yr intercom wrth yr allanfa i wirio eich trwydded bathodyn glas. Mae mannau parcio i bobl anabl hefyd ar gael o flaen yr Amgueddfa, ar Heol Gerddi'r Orsedd.

Ymweld â ni ar drafnidiaeth gyhoeddus, beic neu ar droed?

Gallwch drefnu'ch taith drwy ddefnyddio wefan Traveline Cymru neu drwy ffonio eu llinell gymorth ar 0800 464 0000.

Bwyta, Yfed, Siopa

  • Mae caffi'r Amgueddfa yn y Brif Neuadd ar agor bob dydd rhwng 10yb-4yp ac yn cynnig byrbrydau a diodydd.

Mynediad

Os yw’n well gennych chi ymweld pan ry’n ni’n llai prysur, mae llai o bobl yn yr Amgueddfa ar ôl 3pm bob dydd.

Canllaw Mynediad

Lleoliad

Map safle

Map Safle
Mwy o wybodaeth am ymweld

Clywed mwy gan Amgueddfa Cymru

Ry’n ni yn gweithio ar arddangosfeydd a digwyddiadau newydd a chyffrous - beth am fod ymysg y cyntaf i glywed amdanyn nhw?

Cofrestrwch i'n cylchlythyr heddiw

Bydd eich enw a'ch cyfeiriad e-bost yn cael eu cadw er mwyn anfon ein e-lythyr misol atoch chi. Os oes gennych unrhyw gwestiynau ynghylch eich data a'n defnydd ni ohono, ewch i’n Hysbysiad Preifatrwydd

Digwyddiadau