Digwyddiad:Gyda'r Hwyr: Gwyddoniaeth Ar Waith

Gyda’r Hwyr: sioe wyddoniaeth a pheirianneg fin nos i’r teulu cyfan, gyda phob math o weithgareddau. 
Mae llwythi o stondinau, gweithgareddau a sgyrsiau i edrych arnyn nhw yn yr ardaloedd hyn dros 3 llawr yr Amgueddfa. 
Cyfle i chi gwrdd â gwyddonwyr a pheirianwyr o Amgueddfa Cymru a Phrifysgol Caerdydd, a mwynhau llond trol o weithgareddau rhyngweithiol, hwyliog... a chael bod yn yr amgueddfa wedi iddi dywyllu!

Bydd y rhaglen lawn ar gael yn fuan ond bydd  –

• Sgyrsiau a sioeau difyr yn y theatr gan gynnwys A Science Rapper's Guide to the Solar System gan Jon Chase.
• Dysgu popeth am famothiaid wrth ymyl Tom Bones, y sgerbwd mamoth newydd.
• Gwneud cannwyll gwyr gyda Green Squirrel 
•  
• Gwneud i'ch pen droi gyda gemau i'r ymennydd.
• Dysgu rhagor am bryfed a gwneud eich pryf brigyn eich hun i fynd adre gyda chi.
• Cyfle i weld telesgopau a dysgu ffeithiau am seryddiaeth gyda Chymdeithas Seryddol Caerdydd 
• Gweld argraffu 3D â'ch llygaid eich hun
• Edrych trwy'r lens feddygol gyda sganiwr MRI neu uwchsain aer
• Gweld Celf Mellt

Digwyddiad partneriaeth rhwng Amgueddfa Cymru ac Ysgol Beirianneg Prifysgol Caerdydd. 

Mae hwn yn ddigwyddiad prysur a swnllyd iawn. Os hoffech chi ymweld â'n casgliadau ar adeg dawelach, maen nhw ar agor o ddydd Mawrth i ddydd Sul 10am-4pm ac mae ein tudalen Digwyddiadau yn cynnwys manylion am ddigwyddiadau eraill a allai fod yn fwy addas.

Mae'r digwyddiad hwn am ddim, ond mae pob rhodd, boed yn fawr neu yn fach, yn ein helpu i sicrhau bod Amgueddfa Cymru yn perthyn i bawb ac yma at ddefnydd pawb.

Gallwch chi roi drwy fynd i Ein cefnogi | Amgueddfa Cymru. 

Sylwch, gall gweithgareddau newid ar y funud olaf, felly ffoniwch cyn teithio’n arbennig.

Mae ein rhaglen gyhoeddus yn cael ei chefnogi'n hael gan chwaraewyr People's Postcode Lottery.