Mae'r cwcis hyn yn gwbl angenrheidiol ar gyfer weithrediad y wefan.
Rydym yn defnyddio Google Analytics i fesur sut ydych yn defnyddio'r wefan er mwyn i ni ei wella yn seiliedig ar angen defnyddwyr.
Gall y cwcis hyn gael eu gosod gan wefannau trydydd parti a gwneud pethau fel mesur sut rydych yn gwylio fideos YouTube.
Ymunwch â ni fis Hydref am noson arbennig gyda Bleak Fabulous, y ddeuawd greadigol tu ôl i'n harddangosfa ffotograffiaeth gyffrous newydd, Ffasiwn yw e.
Anghofiwch ddelweddau sgleiniog a lleoliadau ar ben draw'r byd. Tyfodd project 'It's Called Ffasiwn' o glybiau ieuenctid, strydoedd a bywyd bob dydd yn y Cymoedd. Yma, cydweithiodd pobl ifanc gyda'r artistiaid, Clémentine Schneidermann a Charlotte James, i greu rhywbeth swnllyd, lliwgar, pync a balch. Yn y digwyddiad yma, cewch glywed am steilio creadigol, bod yn chwareus ac ychwanegu agwedd, a sut wnaeth y project wthio'n ôl yn erbyn yr hen ystrydeb mai mewn dinasoedd yn unig mae creadigrwydd yn bodoli.
Dan arweiniad Bronwen Colquhoun, Uwch Guradur, ac yn awyrgylch trawiadol ein Prif Neuadd, byddwn yn sgwrsio am ddechreuad y project, pam ei fod mor bwysig a datblygu'r arddangosfa.
Stiwdio ffotograffiaeth greadigol gyda phwyslais ar gymuned a chydweithio yw Bleak Fabulous. Maen nhw'n dathlu pobl ifanc sydd ddim yn aros am ganiatâd i gael eu gweld. Ffotograffydd sy'n rhannu ei hamser rhwng Cymru a Ffrainc yw Clémentine Schneidermann. Cyfarwyddwr Creadigol, gwneuthurwr ffilmiau ac addysgwr o Ferthyr Tudful, de Cymru, yw Charlotte James.
Dewch i'r digwyddiad yma am gipolwg gonest, llawn egni ar greu arddangosfa Ffasiwn yw e.
Gwybodaeth Bwysig
© Clémentine Schneidermann ac Charlotte James
Am Ddim
Mae Amgueddfa Cymru yn perthyn i bawb, ac mae mynediad i'r Amgueddfa yn rhad ac am ddim diolch i nawdd gan Lywodraeth Cymru.
Trwy archebu tocyn diwrnod am ddim ymlaen llaw, byddwch yn derbyn gwybodaeth a diweddariadau allweddol cyn eich ymweliad, gan eich helpu i wneud y gorau o'ch profiad.
Mae’n bosibl y codir tâl am rai digwyddiadau a gweithgareddau.
Rhaid i blant dan 16 fod yng nghwmni oedolyn bob amser. Am resymau diogelwch, rydym yn cadw’r hawl i archwilio bagiau yn yr amgueddfa
Os yw’n well gennych chi ymweld pan ry’n ni’n llai prysur, mae llai o bobl yn yr Amgueddfa ar ôl 3pm bob dydd.
Mae maes parcio i ymwelwyr tu ôl i’r Amgueddfa, ar Rodfa’r Amgueddfa. Bydd ymwelwyr yn cael tocyn wrth gyrraedd ac yn talu £6.50 am y dydd yn fan talu yng nghefn y maes parcio.
Nodwch, ni fydd y mannau talu yn derbyn arian parod, dim ond taliad cerdyn. Gall ymwlewyr dewis i dalu gan ddefnyddio unrhyw cerdyn credyd/debyd (heblaw American Express) neu Apple neu Android Pay.
Mae parcio am ddim i bobl â bathodyn anabledd. Defnyddiwch yr intercom wrth yr allanfa i wirio eich trwydded bathodyn glas. Mae mannau parcio i bobl anabl hefyd ar gael o flaen yr Amgueddfa, ar Heol Gerddi'r Orsedd.
Gallwch drefnu'ch taith drwy ddefnyddio wefan Traveline Cymru neu drwy ffonio eu llinell gymorth ar 0800 464 0000.
Archebwch amser yn ystafell aml-ffydd Amgueddfa Genedlaethol Caerdydd.
Mae hon yn ardal lân a thawel ar gyfer myfyrio, ystyried ac addoli.
Cofiwch fod yr ardal hon ar gyfer pobl a rhaid ei chadw'n lân.
Mae sgriniau preifatrwydd ar gael, gofynnwch i aelod o staff.
Ry’n ni yn gweithio ar arddangosfeydd a digwyddiadau newydd a chyffrous - beth am fod ymysg y cyntaf i glywed amdanyn nhw?
Cofrestrwch i'n cylchlythyr heddiw
Bydd eich enw a'ch cyfeiriad e-bost yn cael eu cadw er mwyn anfon ein e-lythyr misol atoch chi. Os oes gennych unrhyw gwestiynau ynghylch eich data a'n defnydd ni ohono, ewch i’n Hysbysiad Preifatrwydd
