Datganiadau i'r Wasg

Mae rhaglen gyffrous o arddangosfeydd a digwyddiadau yn aros ymwelwyr yn saith safle Amgueddfa Cymru yn 2022. O ffotograffiaeth bywyd gwyllt a phum can mlynedd o gelf yng Nghaerdydd i fwyd stryd yn Abertawe, a straeon Cenhedlaeth Windrush Cymru yn teithio’r wlad, mae yma rywbeth i bawb!

Mae Amgueddfa Cymru wedi prynu darn unigryw o gelf gan Bernd a Hilla Becher, dau o ffotograffwyr pwysicaf yr ugeinfed ganrif, diolch i gymorth y Gronfa Gelf a Sefydliad Henry Moore. Mae’r artistiaid o’r Almaen yn adnabyddus am eu teipolegau - ffotograffau o un math o strwythur diwydiannol, wedi’u gosod mewn grid.

Yn dilyn llwyddiant project Amgueddfa Cymru, Cysur mewn Casglu, yn ystod pandemig Covid-19, mae adnoddau digidol newydd wedi’u datblygu i gysylltu pobl sy’n byw mewn cartrefi gofal ac yn wynebu ynysu cymdeithasol â chasgliadau cenedlaethol Cymru.

Mae portread o’r Is-gadfridog Syr Thomas Picton wedi’i dynnu i lawr o oriel Wynebau Cymru yn Amgueddfa Genedlaethol Caerdydd. Bydd yn cael ei gadw yn storfeydd yr Amgueddfa cyn cael ei ail-ddehongli a’i arddangos eto dros y misoedd nesaf.

Arddangosfa newydd o ffotograffau o gasgliad personol y ffotograffydd David Hurn yn agor heddiw (23 Hydref) yn oriel ffotograffau Amgueddfa Genedlaethol Caerdydd.

Arddangosfa newydd yn pontio pum canrif o gelf ac yn dangos caffaeliadau mawr newydd am y tro cyntaf