Digwyddiad:Ardal Bwyd Da Caerdydd
Lleoliad: Cae Cilewent (gyferbyn â 46)
Bydd Ardal Bwyd Da Caerdydd yn dathlu enwi Caerdydd yn un o ddinasoedd bwyd mwyaf cynaliadwy’r DU. Ymunwch â gweithgareddau hwyliog i’r teulu cyfan i ddysgu am fwyd sy’n dda i bobl a’r blaned. Bydd y babell yn cynnwys gweithdai ysbrydoledig, arddangosiadau, sgyrsiau a gweithgareddau yn dathlu bwyd lleol.
Mewn partneriaeth â Bwyd Caerdydd
Cefnogir gan Bwyd a Diod Cymru
AMSERLEN:
DYDD SADWRN 13 MEDI
11.30am-12.30pm
Ffa Atgyfnerthu: Hwyl Bwyd i'r Teulu gydag ACE
Torchwch eich llewys a dewch i gael profiad ymarferol gyda ffa yn y gweithdy teuluol hwyliog hwn! Gwnewch eich Cwpanau Ffa Tymhorol eich hun, rhowch gynnig ar Smwddi Ffa Gwyn a Ffrwythau blasus, a darganfod pam fod ffa yn wych i bobl a'r blaned. Gyda gemau, gweithgareddau lliwio, ffeithiau diddorol am ffa, a her Dyfalwch y Codlys - mae rhywbeth at ddant pawb!
12.30pm-1pm
Dewch i adnabod byd bwyd Caerdydd gyda Llio Angharad
Ymunwch â Llio wrth iddi sgwrsio â busnes bwyd lleol sy'n masnachu yn yr ŵyl am eu taith, eu hangerdd dros fwyd a'u hymrwymiad i gynaliadwyedd. Darganfyddwch y bobl y tu ôl i'r cynnyrch, clywch beth sydd ei angen i redeg busnes bwyd lleol, ac archwiliwch sut y gall bwyd lleol gefnogi cymunedau iach, yr economi leol a system fwyd mwy cynaliadwy.
1-2pm
Arddangosiad Bara Surdoes gyda Pettigrew Bakeries
Dewch i weld David Le Masurier yn creu bara surdoes gan ddangos sut mae cynhwysion syml yn creu rhywbeth blasus.
2-3pm
Microwyrddion Mawreddog! gyda Grow Cardiff
Ymunwch gyda ni i archwilio rhyfeddodau tyfu microwyrddion. Cyfle i blant a theuluoedd greu potiau wedi eu huwchgylchu a phlannu hadau. Cewch fynd â’r cynnyrch adref, gwylio nhw’n tyfu a mwynhau y blasu!
3-3.30pm
Lleihau Gwastraff Bwyd gyda Thîm Deieteg Iechyd Cyhoeddus Bwrdd Iechyd Caerdydd a'r Fro
Arddangosiad bwyd ymarferol sy'n arddangos ffyrdd syml, iach o leihau gwastraff bwyd gartref. Darganfyddwch awgrymiadau ar gyfer gwneud y defnydd gorau o gynhwysion bob dydd, storio bwyd yn ddiogel, a chreu prydau blasus, iach, a bydd samplau ar gael i’w blasu!
3.30-4.15pm
Arbed Hadau ar gyfer Gwytnwch gyda Global Gardens Project
Cyflwyniad i arbed hadau gydag elfennau ymarferol a thrafodaeth ynghylch bioamrywiaeth, gwytnwch a thyfu cymunedol.
DYDD SUL 14 MEDI
Ymunwch â ni am arddangosiad coginio bywiog sy'n arddangos ryseitiau codlysiau cyflym, blasus a fforddiadwy y gallwch eu hail-greu gartref. Darganfyddwch sut y gall ffa, pys a ffacbys ychwanegu blas, maeth ac amrywiaeth at brydau bwyd bob dydd yn ogystal â bod yn dda i'r blaned a’ch iechyd!
12-1pm
Taith: Gerddi Lysiau Drwy'r Oesoedd gyda Garddwyr Sain Ffagan
Ymunwch â Thîm Garddio yr Amgueddfa am daith dywys sy'n archwilio sut mae tyfu llysiau wedi esblygu yng Nghymru ar draws tirwedd hanesyddol Sain Ffagan.
Darganfyddwch dechnegau traddodiadol fel gwelyau wedi'u codi a gwasgaru hadau yn Hendre'r-Ywydd-Uchaf, ochr yn ochr â thystiolaeth archaeolegol ac arolygon amaethyddol yn Nantwallter. Dysgwch am hadau treftadaeth ac amrywiaethau hanesyddol o gnydau, gan gynnwys tatws a dyfwyd yn Rhyd-y-car, a datgelwch straeon o'r ymgyrch Cloddio am Fuddugoliaeth yng ngardd y Prefab. Ar hyd y ffordd, fe welwch offer hanesyddol fel driliau hadau, ac archwilio absenoldeb rhyfedd tatws yng nghardd Ffermdy Abernodwydd.
Cyfarfod ym mhabell Ardal Bwyd Da Caerdydd i ddechrau'n brydlon am 12pm. Bydd y daith yn cynnwys cerdded ar dir cymysg ac efallai na fydd yn addas ar gyfer pob angen hygyrchedd. Mae lleoedd yn gyfyngedig a byddant yn cael eu dyrannu ar sail y cyntaf i'r felin. Mae'r gweithgaredd hwn yn ddibynnol ar y tywydd.
1-2pm
Microwyrddion Mawreddog! gyda Grow Cardiff
Ymunwch gyda ni i archwilio rhyfeddodau tyfu microwyrddion. Cyfle i blant a theuluoedd greu potiau wedi eu huwchgylchu a phlannu hadau. Cewch fynd â’r cynnyrch adref, gwylio nhw’n tyfu a mwynhau y blasu!
Arddangosiad bwyd ymarferol sy'n arddangos ffyrdd syml, iach o leihau gwastraff bwyd gartref. Darganfyddwch awgrymiadau ar gyfer gwneud y defnydd gorau o gynhwysion bob dydd, storio bwyd yn ddiogel, a chreu prydau blasus, iach, a bydd samplau ar gael i’w blasu!
Dewch i adnabod byd bwyd Caerdydd gyda Llio Angharad
Ymunwch â Llio wrth iddi sgwrsio â busnes bwyd lleol sy'n masnachu yn yr ŵyl am eu taith, eu hangerdd dros fwyd a'u hymrwymiad i gynaliadwyedd. Darganfyddwch y bobl y tu ôl i'r cynnyrch, clywch beth sydd ei angen i redeg busnes bwyd lleol, ac archwiliwch sut y gall bwyd lleol gefnogi cymunedau iach, yr economi leol a system fwyd mwy cynaliadwy.
Cyflwyniad i arbed hadau gydag elfennau ymarferol a thrafodaeth ynghylch bioamrywiaeth, gwytnwch a thyfu cymunedol.
Gwybodaeth
Ymweld
Oriau Agor
Mynediad
Canllaw MynediadGwybodaeth Diogelwch ar gyfer Ymwelwyr
Oherwydd natur hanesyddol y safle, sylwch ar y peryglon potensial canlynol, os gwelwch yn dda:
- Pyllau dŵr a llynnoedd
- Perygl o faglu ar lwybrau a stepiau anwastad
- Arwynebedd llithrig llwybrau, llethrau a mannau glaswelltog
Parcio
Os ydych chi’n gyrru i’r Amgueddfa bydd yn rhaid talu am barcio, £7 y diwrnod, gallwch dalu trwy ddefnyddio arian parod neu gerdyn. AM DDIM ar gyfer ddeiliaid bathodynnau anabl a beiciau modur. Tocyn tymor 12 mis ar gael am £45. Tâl am barcio yn unig yw hwn – mae mynediad am ddim i’r Amgueddfa fel arfer. Os ydych chi’n gyrru i’r Amgueddfa, fe fydd y mynedfeydd o bentref Sain Ffagan a’r A4232 ar agor.
Ymweld â ni ar drafnidiaeth gyhoeddus, beic neu ar droed?
Gallwch drefnu'ch taith drwy ddefnyddio wefan Traveline Cymru neu drwy ffonio eu llinell gymorth ar 0800 464 0000.
Bwyta, Yfed, Siopa
- Mae’r bwyty a caffi ar agor yn ystod eich ymweliad.
- Bydd y siop ar agor yn ystod eich ymweliad.
- Mae croeso i chi dod â phicnic i’r Amgueddfa.
Lleoliad
Clywed mwy gan Amgueddfa Cymru
Ry’n ni yn gweithio ar arddangosfeydd a digwyddiadau newydd a chyffrous - beth am fod ymysg y cyntaf i glywed amdanyn nhw?
Cofrestrwch i'n cylchlythyr heddiw
Bydd eich enw a'ch cyfeiriad e-bost yn cael eu cadw er mwyn anfon ein e-lythyr misol atoch chi. Os oes gennych unrhyw gwestiynau ynghylch eich data a'n defnydd ni ohono, ewch i’n Hysbysiad Preifatrwydd