Digwyddiad:Dathlu Natur

Ymunwch â ni yn Sain Ffagan Amgueddfa Werin Cymru wrth i ni ddathlu cyfoeth byd natur yng Nghymru.
Bydd gwyddonwyr Amgueddfa Cymru wrth law i roi cipolwg ar amrywiaeth rhyfeddol o fywyd, gan ddefnyddio sbesimenau o’n casgliadau sy’n cael eu storio yng Nghaerdydd.
Dewch i ddysgu gan ein harbenigwyr ar blanhigion, anifeiliaid a ffosilau.
Rydyn ni’n cydweithio â sawl elusen a sefydliad natur lleol, fydd yn siarad am eu projectau gwych sy’n helpu i ddiogelu ein bioamrywiaeth.
 

Pethau i’w Gwneud

• Ymunwch â’n curaduron sy’n gofalu am ein casgliadau gwyddorau naturiol, ac edrych yn fanwl ar folysgiaid, anifeiliaid di-asgwrn-cefn morol, ffosiliau, pryfed, anifeiliaid asgwrn cefn a phlanhigion.
• Dewch i chwarae ein gêm nadroedd ac ysgolion enfawr gyda chwestiynau am blanhigion, anifeiliaid a ffosiliau.
• Ymchwiliwch i sut mae hadau’n teithio’r byd a gwneud eich hedyn hedfan eich hun gyda’n curaduron botaneg.
• Rhowch dro ar rai o’n taflenni sylwi i ddysgu am falwod dŵr gerddi, teithwyr ar blastigion y môr, gwymon a ffosilau.
• Dysgwch am fywydau amffibiaid ac ymlusgiaid sy’n byw yng Nghymru.
• Dewch i sgwrsio â’n curaduron entomoleg am ddynwared a chuddliw pryfed, a chreu eich pryf brigyn eich hun i fynd adref gyda chi.
• Dilynwch ein llwybr adar trwy diroedd Sain Ffagan.
• Siaradwch â’r Hedgehog Helpline i ddarganfod beth i’w wneud os byddwch chi’n gweld draenog yn eich gardd.
• Dewch i ddysgu am warchod gloÿnnod byw a gwenyn.
• Siaradwch â’r arbenigwyr ar blanhigion o Ardd Fotaneg Genedlaethol Cymru.
• Bydd SEWBReC – Canolfan Gofnodion Bioamrywiaeth De ddwyrain Cymru – ar y safle i siarad am gofnodi ein bywyd gwyllt.
• Dysgwch am adfer coedwigoedd ar draws y byd gyda Maint Cymru i sicrhau Dyfodol gyda Choedwigoedd.
• Bydd Cymru Wyllt yma i drafod ystod o brojectau maen nhw’n eu harwain i helpu i adfer byd natur. Dewch draw i weld sut allwch chi helpu!

Gall digwyddiadau newid ar y funud olaf, felly ffoniwch yr Amgueddfa cyn teithio'n arbennig. 
Mae ein rhaglen gyhoeddus yn cael ei chefnogi'n hael gan chwaraewyr People's Postcode Lottery.