Digwyddiad:Nosweithiau Calan Gaeaf
Mae hi’n ôl! I ateb y galw mawr, cynhelir Noson Calan Gaeaf eto yn 2024. Paratowch ar gyfer digwyddiad bwgan-digedig yn y gwyll, fiw ichi ei golli!
Mae Calan Gaea’n agosáu, ac mae’n bryd dod â’ch coblynnod a’ch bwganod bach i’r Amgueddfa am noson OFNadwy o ddifyr i’r teulu cyfan!
Crwydrwch yr Amgueddfa i ddod o hyd i’n gwesteion annaearol. Maen nhw i gyd yn gymeriadau o hanesion llên gwerin rhyfeddaf Cymru - fyddwch chi’n ddigon dewr i ddarganfod pwy sy’n cuddio ble?
Bob nos bydd y Dyn Gwiail yn llosgi. Dathlwch wrth groesawu’r gaeaf a gwnewch ddymuniad wrth i’r gwreichion dasgu!
Galwch heibio i’n gweithdai crefft iasol i greu llusernau, cymysgu diod hud a llawer mwy...
Cerddwch drwy dwnnel arswyd dychrynllyd. Dewch i mewn os meiddiwch chi! *
Dewch yn eich gwisgoedd mwyaf arswydus er mwyn dawnsio drwy’r nos yn llecyn newydd sbon Parti’r Ysbrydion.
Dysgwch am y Dyn Gwiail yn y Talwrn. Gwnewch ddyn gwiail bychan i’w losgi yn ystod y diweddglo.
Arhoswch am damaid i’w fwyta a diod ar Gornel Cilewent, lle gwelwch werthwyr bwyd stryd eleni.
*Noder: gall y gweithgaredd hwn fod yn arbennig o frawychus i rai plant gan ei fod yn cynnwys actorion dychryn a synau uchel. Bydd yr actorion yn teilwra lefel y dychryn ar gyfer pob plentyn. Dylai mynediad i’r gweithgaredd hwn fod yn benderfyniad i’r oedolyn sy’n goruchwylio.
Dewch ag arian parod i’w wario yn y ffair a Marchnad y Crefftwyr.
Mae pris eich tocyn yn cynnwys:
• Gweithgareddau gweithdy galw-heibio gan gynnwys:
- Gwneud Llusern
- Cymysgu diod hud
- Creu Dyn Gwiail bychan
• Arddangosiad o dros 50 o swêds cerfiedig hardd
• Mynediad i’r Profiad Twnnel Arswyd
• Mynediad i ddisgo Parti’r Ysbrydion
• Un tocyn yr un i'w hadbrynu yn y ffair (Plant: Un reid NEU un tro trwy'r drychau | Oedolion: Un tro ar y cnau coco yn unig)
• Cwrdd â chymeriadau Calan Gaeaf, storïwyr, a pherfformiadau
• Llosgi’r Dyn Gwiail am 8:30yh
• Parcio am ddim (ar ôl 4.30yh)
* Nid yw’n cynnwys gweithgareddau Marchnad y Crefftwyr.
Bydd bwyd a diod ar gael i’w prynu o gaffi’r Amgueddfa yn y Prif Adeilad, y Siop Sglodion ar y safle, a’r ardal fwyd stryd ar gornel Cilewent.
Anghenion Mynediad
Dim ond cŵn cymorth a ganiateir ar y safle ar gyfer y digwyddiad hwn.
Caniateir pramiau a chadeiriau gwthio ar y safle ond ni cheir mynd â nhw i mewn i’r adeiladau hanesyddol.
Gweler ein gwefan am ein holl ganllawiau mynediad: https://amgueddfa.cymru/sainffagan/ymweld/mynediad/
Mae tocynnau Hynt ar gael ar gyfer y digwyddiad hwn.
Canllaw oedran
Digwyddiad i’r teulu yw hwn, gyda gweithgareddau addas i blant 5 - 12 oed. Argymhelliad yn unig yw’r canllaw oedran hwn - mae croeso i blant iau ddod yn ôl eich disgresiwn. Croesewir babanod dan 2 oed ond bydd angen tocyn baban di-dâl. Ni fydd babanod yn gallu cymryd rhan mewn gweithgareddau crefft ac ni chânt reid / gêm am ddim yn y ffair.
Gwybodaeth Bwysig
Ychydig iawn o le parcio sydd yn Sain Ffagan, ystyriwch rannu ceir.
- Rhaid prynu pob tocyn ymlaen llaw. Mae cyfyngiad ar y niferoedd ac rydym yn disgwyl i docynnau werthu’n gyflym.
- Mae’r digwyddiad a’i weithgareddau yn addas i blant 5 oed ac i fyny. Rhaid i bob plentyn fod yng nghwmni oedolyn bob amser.
- Rhaid gadael unrhyw gadair wthio y tu allan i’r adeiladau hanesyddol.
- Dylid gwisgo dillad addas i’r tywydd. Bydd gofyn i chi aros y tu allan nes bod y drysau’n agor am 6 ac efallai y bydd yn rhaid i chi aros y tu allan i’r adeiladau i gael mynediad i weithgareddau a gweithdai.
- Mae pris eich tocyn yn cynnwys parcio am ddim.
- Ni fydd modd cael ad-daliad am docyn ac ni ellir ei gyfnewid am ddyddiad neu ddigwyddiad arall. Gwnewch yn siŵr eich bod yn gwbl hapus â’ch dewisiadau cyn archebu.
- Cewch gadarnhad o’ch tocynnau wedi ichi archebu.
- Cewch ebost cyn y digwyddiad gyda Map o’r Safle Calan Gaeaf. Cofiwch lawrlwytho’r map a’i gadw cyn cyrraedd y safle. (Rydym yn dilyn polisïau cynaliadwyedd drwy dorri i lawr ar gyflenwadau argraffu).
Bydd gostyngiad o 10% i aelodau, dewch yn aelod heddiw
Gwybodaeth
Nosweithiau Calan Gaeaf
Ymweld
Oriau Agor
Ar Agor 10am-5pm bob dydd
Rhaid i blant dan 16 fod yng nghwmni oedolyn bob amser. Am resymau diogelwch, rydym yn cadw’r hawl i archwilio bagiau yn yr amgueddfa.
Mae mynediad am ddim, ond mae’n bosibl y codir tâl ar gyfer rhai arddangosfeydd, digwyddiadau a gweithgareddau.
Parcio
Os ydych chi’n gyrru i’r Amgueddfa bydd yn rhaid talu am barcio, £7 y diwrnod, gallwch dalu trwy ddefnyddio arian parod neu gerdyn. AM DDIM ar gyfer ddeiliaid bathodynnau anabl a beiciau modur. Tocyn tymor 12 mis am £30. Tâl am barcio yn unig yw hwn – mae mynediad am ddim i’r Amgueddfa fel arfer. Os ydych chi’n gyrru i’r Amgueddfa, fe fydd y mynedfeydd o bentref Sain Ffagan a’r A4232 ar agor.
Ymweld â ni ar drafnidiaeth gyhoeddus, beic neu ar droed?
Gallwch drefnu'ch taith drwy ddefnyddio wefan Traveline Cymru neu drwy ffonio eu llinell gymorth ar 0800 464 0000.
Bwyta, Yfed, Siopa
- Mae’r bwyty a caffi ar agor yn ystod eich ymweliad.
- Bydd y siop ar agor yn ystod eich ymweliad.
- Mae croeso i chi dod â phicnic i’r Amgueddfa.
Lleoliad
Clywed mwy gan Amgueddfa Cymru
Ry’n ni yn gweithio ar arddangosfeydd a digwyddiadau newydd a chyffrous - beth am fod ymysg y cyntaf i glywed amdanyn nhw?
Cofrestrwch i'n cylchlythyr heddiw
Bydd eich enw a'ch cyfeiriad e-bost yn cael eu cadw er mwyn anfon ein e-lythyr misol atoch chi. Os oes gennych unrhyw gwestiynau ynghylch eich data a'n defnydd ni ohono, ewch i’n Hysbysiad Preifatrwydd