Digwyddiad:Wyna yn Llwyn-yr-eos

Pa ffordd well o ddathlu dechrau’r gwanwyn nag wrth groesawu newydd-ddyfodiaid y sied wyna? 

Bydd wyna Llwyn-yr-eos ar agor i’r cyhoedd bob dydd eleni. Does dim ffrwd byw o'r sied wyna eleni, ond os hoffech chi ddal i fynu gyda rhai o uchafbwyntiau'r sied dros y blynyddoedd diwethaf, ewch draw i'r wefan Sgrinwyna

Os ydych yn bwriadu dod draw i’r fferm i gyfarfod ein mamau a babis newydd, cofiwch ddarllen y cyngor isod:

• Gall dod i gyswllt â defaid yn ystod cyfnod wyna fod yn beryglus i fenywod beichiog. Os ydych chi’n feichiog, neu’n credu y gallech chi fod, darllenwch y canllawiau GIG cyn dod i gyfarfod â’n defaid.
• Mae’r holl ddefaid yn y siediau dros gyfnod wyna un ai yn feichiog neu’n famau newydd amddiffynnol. Mae gennym bolisi ‘dim cyffwrdd’ ar gyfer yr holl ddefaid ac ŵyn er mwyn eu gwarchod. Gofynnwn i chi fod yn dawel a thyner o gwmpas yr anifeiliaid.
• Bydd pob oen iach yn cael ei fwydo gan ei fam. Bydd unrhyw fwydo ychwanegol â photel ar gyfer yr ŵyn bregus yn cael ei wneud gan aelod o’r tîm, a ddim gan aelodau’r cyhoedd.
• Cŵn – Er mwyn diogelu lles ein defaid, ni chaniateir cŵn ar y fferm yn ystod y tymor wyna. Mae croeso i chi mwynhau gweddill y safle gyda'ch ci ar dennyn byr.