Digwyddiad: Gyda'r Hwyr: Gwyddoniaeth Ar Waith
Amgueddfa Genedlaethol Caerdydd
Wedi'i Orffen
Gyda’r Hwyr: sioe wyddoniaeth fin nos i’r teulu cyfan, gyda phob math o weithgareddau.
Ein thema eleni yw CARU’R BLANED felly bydd pob math o weithgareddau yn ymwneud â chynaliadwyedd, yn ogystal ag ambell hen ffefryn - fel y robotiaid.
Cyfle i chi gwrdd â gwyddonwyr a pheirianwyr o Amgueddfa Cymru a Phrifysgol Caerdydd, a mwynhau llond trol o weithgareddau rhyngweithiol, hwyliog... a chael bod yn yr amgueddfa wedi iddi dywyllu!
Beth sydd i’w wneud?
- Dewch i gwrdd â Joanne y Fôr-forwyn – biolegydd morol fymryn yn wahanol! Cewch sgwrs gyda hi am y môr.
- Dysgwch am sut mae peirianwyr yn dylunio robotiaid sy’n gallu cropian drwy bibellau, dringo coed neu oroesi dan ddŵr.
- Profwch eich sgiliau codio yn ein hardal robotiaid
- Byddwch yn greadigol gyda chynaliadwyedd drwy grefftau wedi’u hailgylchu
- Dysgwch am ffurfiau gwahanol o fellt yn yr Arddangosfa Fellt
- Rhowch gynnig ar lawdriniaeth orthopedig – gyda sgriwdreifar sonig!
- Dilynwch rysáit o bryfed blasus
- Dysgwch am effaith plastig ar fywyd morol – a beth allwch chi wneud am y peth
- Defnyddiwch ficrosgop i edrych yn fanwl ar baill neu falwod
- Ewch yn ôl filiynau o flynyddoedd mewn amser drwy drin a thrafod ffosiliau
- A llawer mwy!
Bydd caffi a siop yr Amgueddfa ar agor drwy’r noson.
Digwyddiad partneriaeth rhwng Amgueddfa Cymru ac Ysgol Beirianneg Prifysgol Caerdydd