Arddangosfa:Gwrando Drwy’r Nos ar y Glaw gan John Akomfrah

Beth allen ni ei gyflawni, o ddysgu gwrando’n iawn?

Mae Gwrando Drwy’r Nos ar y Glaw, gwaith yr artist o fri, John Akomfrah yn cyfuno celf gyfoes a gweithredu. ⁠

⁠Mae cyfle i chi i fod ymysg cyntaf i brofi Gwrando Drwy’r Nos ar y Glaw yn Amgueddfa Genedlaethol Caerdydd. Dyma’r lleoliad cyntaf ar daith y gwaith o gwmpas y DU, ar ôl cael ei ddangos am y tro cyntaf yn Biennale Fenis 2024. ⁠ ⁠

⁠Mae’r darn clyweledol yn mynd â ni ar daith o olygfeydd a synau sy’n dwyn i gof adegau a digwyddiadau sydd wedi siapio unigolion a chymdeithas.
Trwy wrando, gwylio a chysylltu â’r darn, cawn ein hannog i wrando fel ffordd o weithredu yn erbyn anghyfiawnderau ddoe a heddiw.

Mae’n waith sydd yn dangos pŵer celf gyfoes i greu newid, ac mae Amgueddfa Cymru, ar y cyd â’r British Council, y Gronfa Gelf, Lisson Gallery a Smoking Dogs Films, yn falch o gyflwyno’r arddangosfa hon yng Nghymru.

John Akomfrah

⁠Ganwyd John Akomfrah ym 1957, ac mae’n byw ac yn gweithio yn Llundain. Roedd yn un o sylfaenwyr y Black Audio Film Collective, 1982–1998. Mae ei ddylanwad yn enfawr ar feysydd ffilm arbrofol ac astudiaethau hanes trefedigaethol a hunaniaeth ar sail hil.

Comisiynwyd gan y British Council
 

Cefnogir gan y Gronfa Gelf

Tocynnau

Mae'r arddangosfa yn rhad ac am ddim ac gallwch archebu tocynnau cyn ymweld.  Gwnewch gyfraniad go iawn at ein gwaith o adrodd straeon rhyfeddol Cymru gan roi beth allwch chi – mae eich rhoddion yn ein helpu i sicrhau y gall Amgueddfa Cymru barhau i gynnal arddangosfeydd ysbrydoledig.