Sgwrs:Tu ôl i'r llenni gyda'r Cynllun Henebion Cludadwy: Hanes ar flaenau dy fysedd

Mae Cynllun Henebion Cludadwy (PAS) Cymru a thimau curadurol Amgueddfa Cymru yn helpu i adnabod a chofnodi gwrthrychau archaeolegol a ddarganfuwyd gan y cyhoedd, trwy ddefnyddio datgelyddion metel gan amlaf. 

Hyd yn hyn, mae dros 100,000 o arteffactau wedi'u cofnodi yng Nghymru ac maen nhw wedi arwain at rai o ddarganfyddiadau archaeolegol pwysicaf y mileniwm. Ar y daith hon tu ôl i'r llenni, byddwch yn cwrdd â'r Swyddogion Darganfyddiadau  ac yn cael cipolwg ar rai o'r arteffactau mwyaf newydd ac yn dysgu sut mae canfyddiadau cyhoeddus yn cael eu hadnabod a'u hymchwilio. 

Byddwch chi hefyd yn clywed straeon am wrthrychau ddaeth i'r fei ar ddamwain  ac yn mwynhau cipolwg unigryw ar ganfyddiadau archaeolegol ysbrydoledig o gasgliad Amgueddfa Cymru sydd ddim fel arfer i'w gweld yn gyhoeddus. 

Byddwch chi hyd yn oed yn cael cyfle i drin a thrafod gwrthrychau archaeolegol go iawn y mae aelodau'r cyhoedd wedi'u rhoi i ni a darganfod y straeon anhygoel maen nhw'n eu datgelu am orffennol Cymru, o Oes y Cerrig i gyfnod y Tuduriaid.

Gwybodaeth Bwysig

• Bydd y daith yn para tua 60 munud. Cwrdd wrth y Ddesg Docynnu yn y Brif Neuadd.Caiff y digwyddiad ei gynnal yn Oriel Darganfod Clore.
• Mae'r daith yn costio £8 y pen.
• Bydd y daith yn cael ei chynnal ym mamiaith y curadur, sef Saesneg.
• Allwn ni ddim rhoi ad-daliad ar gyfer tocynnau, a fyddwn ni ddim yn ad-dalu neu’n cyfnewid tocynnau i bobl sy'n cyrraedd yn hwyr.