Digwyddiad:Amser Stori gyda Babis Bach Babies
Y Calan Gaeaf hwn, mae'n bleser gan Amgueddfa Cymru groesawu Babis Bach Babies yn ôl ar gyfer cyfres arbennig iawn o sesiynau adrodd straeon yn Amgueddfa Genedlaethol Caerdydd.
Y Calan Gaeaf hwn, dewch i ymuno ag antur gwrach garedig a'i chath a darganfod beth yw'r Wwsh ar y brwsh mewn gwirionedd!
Bydd y sesiynau hyn yn cyfuno’r Gymraeg, y Saesneg ac Iaith Arwyddion Prydain mewn ffordd greadigol i greu profiad hudolus, tairieithog. Bydd y sesiynau hyn yn cael eu cyfieithu i Iaith Arwyddion Prydain gan Cathryn McShane-Kouyaté.
Mae Babis Bach Babies yn cyfuno cerddoriaeth fyw gan gerddorion clasurol ag adrodd straeon rhyngweithiol. Nod eu sesiynau yw cefnogi addysg y blynyddoedd cynnar drwy annog dysgu iaith yn y Gymraeg a'r Saesneg, cyflwyno themâu amserol drwy gân a symudiad a datblygu hyder drwy gymryd rhan.
Am ragor o wybodaeth, ewch i: Babis Bach Babies | Cerddoriaeth fyw i fabanod a phlant
Gwybodaeth Gyffredinol
- Mae pob sesiwn yn addas ar gyfer plant hyd at 7 oed.
- Bydd pob sesiwn, oni bai ein bod ni'n nodi fel arall, am 10.30am, 12.30pm a 2.30pm*. (*Bydd y sesiwn yma wedi ei ddehongli yn iaith arwyddion Prydain)
- Bydd y sesiynau hyn yn cael eu cynnal yn Ystafelloedd Oriel, sydd i lawr y grisiau o'r Brif Neuadd. Mae cyfleusterau newid, bwydo ar y fron a thoiledau i gyd i lawr y grisiau.
- Mae llefydd ar gyfer bygis y tu allan i Ystafelloedd Oriel.
- Bydd sesiynau hamddenol hefyd yn cynnwys pecynnau synhwyraidd sydd ar gael yn rhad ac am ddim. Gallwch chi eu harchebu a'u casglu o'r Dderbynfa. Mae hefyd ystafell dawel wrth ymyl Ystafelloedd Oriel.
- £12.50 i un oedolyn ac un plentyn. £8 am docynnau ychwanegol i oedolion/plant. Gallwch chi brynu tocynnau ychwanegol unwaith y bydd y tocynnau mynediad yn y fasged siopa ar-lein.
- Nifer gyfyngedig o lefydd sydd ar gael. Allwn ni ddim cynnig ad-daliad am docynnau nac ychwaith gyfnewid tocynnau am ddyddiad neu ddigwyddiad arall. Gwnewch yn siŵr eich bod chi 100% yn hapus gyda'ch dewisiadau cyn archebu.
Gwybodaeth
Digwyddiadau perthnasol
Clywed mwy gan Amgueddfa Cymru
Ry’n ni yn gweithio ar arddangosfeydd a digwyddiadau newydd a chyffrous - beth am fod ymysg y cyntaf i glywed amdanyn nhw?
Cofrestrwch i'n cylchlythyr heddiw
Bydd eich enw a'ch cyfeiriad e-bost yn cael eu cadw er mwyn anfon ein e-lythyr misol atoch chi. Os oes gennych unrhyw gwestiynau ynghylch eich data a'n defnydd ni ohono, ewch i’n Hysbysiad Preifatrwydd