Digwyddiad:Disgo Tawel
Motel Nights mewn partneriaeth ag Amgueddfa Cymru yn cyflwyno: DISGO TAWEL yn Amgueddfa Genedlaethol Caerdydd.
Mae disgo tawel MWYAF Caerdydd ’nôl nos Sadwrn, 10 Hydref, gyda’n digwyddiadau i deuluoedd ac i oedolion yn unig!
Dewch i ddawnsio a chanu drwy’r nos o dan nenfwd eiconig cyntedd yr amgueddfa wrth i’n DJs preswyl frwydro am deyrngarwch eich clustiau!
Gyda thair sianel o wahanol gerddoriaeth i ddewis ohonyn nhw, bydd rhywbeth at ddant pawb, felly dyma’ch cyfle i ddangos eich mŵfs yn un o adeiladau mwyaf mawreddog y ddinas!
DIGWYDDIAD I’R TEULU (6pm - 8pm)
Croeso i bobl o bob oed, ond mae’r clustffonau wedi’u dylunio i ffitio pobl 5+ oed
Rhaid i unrhyw un o dan 18 oed fod yng nghwmni oedolyn bob amser.
DIGWYDDIAD I OEDOLION YN UNIG (9pm - 12am)
Mae hwn yn ddigwyddiad i bobl 18 oed a hŷn.
Bydd y gwesteion yn profi:
- Lleoliad eiconig: Nid bob dydd y cewch chi gyfle i ddawnsio drwy’r nos yn un o leoliadau mwyaf eiconig Cymru!
- Tri DJ yn chwarae amrywiaeth o gerddoriaeth: Chi sy’n dewis y gerddoriaeth rydych chi am wrando arni drwy bwyso botwm ar eich set eich hun o glustffonau â goleuadau LED! Pa dîm fyddwch chi - coch, gwyrdd neu las?
- Bar bach DIM GWASTRAFF Motel Nights: Gadewch eich arian parod gartref! Yr unig blastig ar ein bar ni yw eich cerdyn banc; mae ein bar dim gwastraff yn gweini amrywiaeth o ddiodydd mewn caniau, sy’n dda i’ch cyfrif banc ac i’r blaned.
- Profiad sy’n gwerthu allan: Fe wnaeth ein digwyddiad diwethaf WERTHU ALLAN yn gyflym iawn, felly peidiwch â phendroni gormod! Bachwch eich tocynnau tra gallwch chi.
- Cynhyrchiad o safon: Rydyn ni’n mynd yr ail filltir ar gyfer y digwyddiad yma, gyda thechnegwyr goleuo arbenigol a nifer o beli disgo, wrth gwrs!
Gwybodaeth arall:
- Mae’n bosib y bydd goleuadau strôb a ffotograffiaeth fflach yn cael eu defnyddio drwy gydol y digwyddiad.
- Rydyn ni’n tynnu lluniau a fideos o’r digwyddiad at ddibenion marchnata a hyrwyddo.
- Rhaid i unrhyw un o dan 18 oed fod yng nghwmni oedolyn bob amser.
*Mae'r delweddau yn ddangos Amgueddfa'r Lleuad gan Luke Jerram sydd bellach ddim ar ddangos yn Amgueddfa Genedlaethol Caerdydd.
Gwybodaeth
Credit: Coal Poet Media
© Coel Poet Media*
Clywed mwy gan Amgueddfa Cymru
Ry’n ni yn gweithio ar arddangosfeydd a digwyddiadau newydd a chyffrous - beth am fod ymysg y cyntaf i glywed amdanyn nhw?
Cofrestrwch i'n cylchlythyr heddiw
Bydd eich enw a'ch cyfeiriad e-bost yn cael eu cadw er mwyn anfon ein e-lythyr misol atoch chi. Os oes gennych unrhyw gwestiynau ynghylch eich data a'n defnydd ni ohono, ewch i’n Hysbysiad Preifatrwydd