Datganiadau i'r Wasg

Bydd Arddangosfa Deithiol Dinas Noddfa Abertawe: Adref Oddi Cartref yn Amgueddfa Genedlaethol y Glannau, Abertawe o ddydd Sadwrn 18 Mehefin tan ddydd Sul 17 Gorffennaf 2022.

Yn un o uchafbwyntiau'r flwyddyn i lawer, mae Gŵyl Fwyd Amgueddfa Cymru yn dychwelyd i Sain Ffagan Amgueddfa Werin Cymru ar 10 ac 11 Medi, gyda gwledd o gynhyrchwyr lleol, cerddoriaeth a hwyl i'r teulu cyfan.

Artes Mundi yw arddangosfa bob dwy flynedd a gwobr gelf gyfoes ryngwladol blaenaf y DU. Fel un o bartneriaid allweddol Artes Mundi 10 gyda'i bartner cyflwyno Bagri Foundation, mae Amgueddfa Genedlaethol Caerdydd yn falch iawn o gyhoeddi'r rhestr fer o saith artist gweledol cyfoes rhyngwladol a phum partner lleoliad cenedlaethol ar gyfer degfed rhifyn Artes Mundi.

Ar ddydd Gwener 27 Mai cafodd tri chanfyddiad o gyfnod yr Oes Efydd a'r cyfnod ôl-ganoloesol eu cadarnhau yn drysor gan Ddirprwy Uwch Grwner Sir Gaerfyrddin a Sir Benfro, Mr Paul Bennett. Canfuwyd pob gwrthrych gan ddefnyddwyr datgelyddion metel, ac yn eu plith mae celc o’r Oes Efydd, broetsh arian canoloesol a chrogdlws arian gilt Tuduraidd.

Bydd arddangosfa fyd-enwog Ffotograffydd Bywyd Gwyllt y Flwyddyn, ar fenthyg o'r Amgueddfa Hanes Natur yn Llundain, yn agor yn Amgueddfa Genedlaethol Caerdydd ar ddydd Gwener 27 Mai gan roi llwyfan i luniau rhagorol sy’n dal ymddygiad diddorol anifeiliaid ac amrywiaeth rhyfeddol byd natur.

Ar Fai 25ain eleni fydd yr Amgueddfa Lechi Cymru yn Llanberis yn dathlu ei phenblwydd yn 50oed a mae nifer o weithgareddau ar droed i ddathlu’r achlysur arbennig!