Crochenwaith a Phorslen
Tebot a gynlluniwyd gan Johann Jakob Irminger, Meissen, tua 1720 (NMW A 32076)
Tancard a gynlluniwyd gan John Pollard Seddon ar gyfer Bailey & Co., Crochendy Fulham, tua 1877 (NMW A 39628)
Mae’r Amgueddfa’n gartref i un o gasgliadau crochenwaith mwyaf y byd.
Gellir dod o hyd i grochenwaith a phorslen o bob math, maint ac oedran yma – o grochenwaith Eifftaidd sydd dros bum mil o flynyddoedd oed i wrthrychau sy’n ffres o odynau gwneuthurwyr cyfoes.
Ni sydd â’r casgliad mwyaf a mwyaf diffiniol yn y byd o grochenwaith o ffatrïoedd Cymru. Mae hyn yn cynnwys gwrthrychau o Grochenwaith Abertawe, Crochenwaith Cambrian, Crochendy Abertawe, Crochendy Nantgarw, Crochenwaith Morgannwg, Crochenwaith De Cymru a Chrochenwaith Ewenni.
Yn bennaf, rhodd gan un dyn oedd ein casgliad godidog o borslen Ewropeaidd, sef y banciwr o Sir Frycheiniog, Wilfred de Winton. Rhwng 1917 a 1929 rhoddodd fwy na thair mil o wrthrychau i’r amgueddfa, yn cynrychioli holl ffatrïoedd arwyddocaol Ewrop y ddeunawfed ganrif. Mae cynrychiolaeth arbennig o dda o borslen o’r Almaen a’r Iseldiroedd.
Mae gan yr Amgueddfa hefyd gasgliadau sylweddol o grochenwaith a phorslen o Loegr, crochenwaith Ewropeaidd gan gynnwys gweithiau unigryw gan Pablo Picasso, crochenwaith o Ddwyrain Asia, a chasgliad cynyddol o grochenwaith gyfoes o Gymru a thu hwnt.
Yn ddiddorol, mae yna grochenwaith ar draws ein casgliadau yn Amgueddfa Cymru. Mae yna grochenwaith ffatri, crefft ac archaeolegol ym mron pob un o’n safleoedd.