Digwyddiad:Hwyrnos yr Amgueddfa: Eclips yr Haul

Ymunwch â ni i ddathlu Eclips yr Haul ac aros i fwynhau Helios liw nos!

Ar ddydd Mercher 12 Awst mae croeso i chi ddod i fwynhau cerflun 7 metr Luke Jerram yn y Brif Neuadd, a gwneud gwyliwr eclips eich hun yn Ystafell Addysg Clore (10am – 5pm) i ddathlu'r eclips fydd yn digwydd yn ddiweddarach yn y noson. 

Bydd cyfle i ymwelwyr sy'n ymuno'n hwyrach (6pm – 10pm) i grwydro'r orielau a mwynhau celf a hanes natur rhyngwladol bwysig, cyn gwylio'r eclips tua 7pm. Ar ôl gwylio'r machlud, mae croeso i chi ddychwelyd i'r adeilad i fwynhau Helios liw nos. Os ydych chi am fwynhau ychydig oriau gyda chydweithwyr ar ôl gwaith, neu gael amser i 'w gofio gyda theulu a ffrindiau, bydd y caffi'n gwerthu amrywiaeth o ddiodydd er mwyn i chi allu ymlacio dan olau'r Haul. Mae'r tocynnau am ddim, ond rhaid archebu ymlaen llaw. Os ydych chi am aros drwy'r dydd, rhaid archebu tocyn dydd a thocyn nos. Bydd yr Amgueddfa hefyd ar gau rhwng 5 a 6pm wrth i ni baratoi ar gyfer y noson. 

Bydd yr eclips yn dechrau yn y DU am 6.17 ac yn gorffen tua 8.07pm. Bydd yr eclips llawn am 7.13pm. Fyddwn ni ddim yn gallu gweld yr haul o fynedfa'r Amgueddfa, felly Gerddi Alexandra yw'r lle gorau i wylio os ydych chi am aros gerllaw."

Mae ein rhaglen gyhoeddus yn cael ei chefnogi’n hael gan chwaraewyr Postcode Lottery.