Datganiadau i'r Wasg

Mae modrwy fylchgron o ddiwedd yr Oes Efydd a broetsh arian Canoloesol wedi cael eu datgan yn drysor ar ddydd Iau 21 Rhagfyr 2023 gan Uwch Grwner Gwent, Caroline Sanders.^⁠ ⁠ 

Cyhoeddodd Llywodraeth Cymru ei chyllideb ddrafft ar gyfer 2024-25 ar ddydd Mawrth 19 Rhagfyr, yn cynnwys toriad o 10.5% i gyllid Amgueddfa Cymru. Mae hyn yn rhan o doriadau sylweddol ar draws holl bortffolios Llywodraeth Cymru i fynd i’r afael â diffyg mawr yng nghyllideb y Llywodraeth.

Mae gwaith o 40 o ffotograffau gan Garry Fabian Miller – un o ffigurau mwyaf blaengar ffotograffiaeth gain – wedi cael ei gaffael gan Amgueddfa Cymru ar gyfer ei chasgliad parhaol.

Mae Amgueddfa Cymru wedi penodi Glamorgan Brewing Company fel y bragdy i gyflenwi Gwesty’r Vulcan pan fydd yn agor yn Sain Ffagan Amgueddfa Werin Cymru yn 2024. 

Mae Amgueddfa Cymru wedi ymrwymo i sicrhau bod pawb yn cael ei gynrychioli, ac yn parchu gwahanol safbwyntiau ein hymwelwyr, staff a’r cymunedau a gynrychiolwn. 

Mae Amgueddfa Cymru yn gwrthwynebu pob gweithred o drais, ac wedi ein tristáu yn fawr gan y marwolaethau trasig yn Israel ac yn Gaza. Gobeithiwn y bydd yr holl grwpiau yn ymroi i ddatrysiad heddychlon cyn gynted â phosibl. 

Mae protestiadau heb eu cynllunio wedi eu cynnal yn Amgueddfa Genedlaethol Caerdydd mewn ymateb i’r argyfwng. Mae Amgueddfa Cymru yn cefnogi hawl pobl i brotestio’n heddychlon, ond yn gofyn i bob protest gael eu cynnal gyda pharch, heb beryglu diogelwch ein hymwelwyr, staff, gwirfoddolwyr a’r casgliad cenedlaethol. 

Mae pedwar canfyddiad, gan gynnwys celc o’r Oes Efydd, dwy fodrwy arian Rufeinig a broetsh arian canoloesol, wedi eu datgan yn drysor ar ddydd Mawrth 14 Tachwedd 2023 gan Patricia Morgan, Crwner Ardal Canol De Cymru.⁠ ⁠