Mae'r tywydd wedi bod yn oer am y pythefnos diwethaf gyda rhannau o'r DU fod mor oer â finws 11 gradd Celsius! O ganlyniad, nid yw fy bylbiau wedi tyfu unrhyw dalach ers fy lluniau diwethaf. Efallai na fydd fy blodau Crocws yn agor tan canol Chwefror nawr.

Er gwaethaf y tywydd oer, nid ydym wedi cael gormod o rew neu eira yn y DU. Mae hyn oherwydd bod yr aer yn sych iawn ar hyn o bryd - gan fod y gwynt yn chwythu ar draws o Siberia. Llai iâ yn golygu llai o niwed i'n bylbiau - felly peidiwch â phoeni gormod os oes un chi wedi rhoi'r gorau i dyfu. Maent yn pethau bach caled ac maent yr un aros am cyfnod cynnes er mwyn blodeuo.

Gall pethau newid y penwythnos hwn yn ôl yr adroddiad diweddaraf y tywydd yn disgwyl eira! Gweler: http://www.bbc.co.uk/news/uk-16866903

Mae ein hadroddiad tywydd oeraf yn dod o Ysgol Deganwy lle mae'r tymheredd bob amser yn is na sero. Gall fod yn oer yma ond i gymharu ag ardaloedd eraill o Ewrop, rydym yn ffodus iawn. Yn yr Wcráin mae pobol wedi bod yn dioddef yn wael iawn wrth i'r tymheredd gostwng i mor isel â-32C yn y gogledd a'r gorllewin.

Ysgol Porth y Felin yn adrodd bod eu bylbiau yn tyfu'n dda a hyd yn oed eu bylbiau dirgel wedi dechrau i dyfu. Gadewch i mi wybod os yw eich bylbiau dirgel wedi dechrau i dyfu?

Peidiwch ag anghofio anfon eich cofnodion tywydd wythnosol er mwyn sefyll gyfle i enillwch daith gweithgaredd natur!

Cadwch yn gynnes. Yr Athro Ardd.

www.museumwales.ac.uk/scan/bylbiau

Twitter http://twitter.com/Professor_Plant

Facebook Professor Plant

Sul 4 Mawrth, Sul 1 Ebrill & 17-19 Ebrill

Er eu bod yn fach, mae babis yn gallu defnyddio llawer o adnoddau.Dewch draw i’r T? Gwyrdd i rannu syniadau dros baned neu dysgu sut i roi dechreuad da a gwyrdd i’ch babi.

Baned am ddim am 11 o gloch neu galwch mewn unrhyw adeg rhwng 11-1 a 2-4 yn y Ty Gwyrdd yn sain Ffagan: Amgueddfa Werin Cymru.

https://amgueddfa.cymru/cy/digwyddiadau/?site=stfagans

Twitter.com/TyGwyrdd

Rydyn ni wedi bod yn cynnal clwb cwiltio am ychydig dros flwyddyn ac erbyn hyn mae criw da yn dod yn rheolaidd ar y Sadwrn cyntaf bob yn ail fis am sesiwn glytwaith a sgwrs. Mae’n rhaid bod tipyn wedi gwneud adduned blwyddyn newydd gan fod dwbl yr aelodau yn y clwb y tro diwethaf gyda nifer o wynebau newydd yn ymuno â ni.

Samantha Jenkins sy’n arwain y clytwaith a’r cwiltio a gallwch chi weld peth o’i gwaith yma. Mae ganddi syniadau di-ri a gall ddatrys unrhyw broblemau clytwaith!

Roedden ni’n meddwl ei bod hi’n hen bryd rhoi cynnig ar sesiynau crefft gwahanol i oedolion, gan ddilyn patrwm y clwb cwiltio (awyrgylch hamddenol, anffurfiol ond gyda arbenigwr yno i’ch helpu) a rhoi cyfle i chi droi eich llaw at weu, gwneud rygiau rhacs, printio llaw neu frodio. Ewch i dudalennau ‘digwyddiadau’ y wefan am ragor o wybodaeth, a cofiwch bod nifer cyfyngedig o lefydd.

I roi syniad i chi o’r trefniadau, bydda i yng ngofal y sesiwn brintio, a byddwn ni’n edrych ar ddyluniadau hyfryd o’r 1950au er mwyn sbarduno syniadau printio, creu blodiau printio syml o bren meddal (tebyg i leino, ond yn well) a phrintio ar bapur a ffabrig. Rydw i wedi troi un o fy mhrintiau yn dlws ffabrig, a byddai’n gweithio hefyd fel rhan o gwilt clytwaith.

Bydd Amy Wheel yng gofal y sesiwn weu ac yn defnyddio rhai o’r hosanau yn y casgliad fel ysbrydoliaeth. Mae Amy yn wyneb cyfarwydd yn y clwb cwiltio ac mae hefyd yn gweu yn gampus ac yn fenyw hyfryd, felly dylai fod yn sesiwn hwyliog! Os ydych chi’n gweu yn barod, gallwch chi roi cynnig ar wneud hosan, neu os ydych chi’n ddechreuwr, gallwch chi ddysgu a chreu rhywbeth wedi’i seilio ar yr esiamplau.

Bydd Jane Dorsett yn arwain y sesiynau rygiau rhacs ac mae’n gofyn i chi dod â bag o ddillad gwastraff glan – mae hen grysau t yn berffaith meddai hi. Mae Jane wedi cynnal nifer o sesiynau rygiau rhacs gydag ysgolion, grwpiau cymunedol ac orielau, a cofiwch archebu mewn da bryd gan fod diddordeb mawr yn y sesiwn yn barod!

Becky Adams fydd yng ngofal y sesiynau brodio, a bydd yn seilio peth o’i chynlluniau ar y casys nodwyddau sydd yng nghasgliadau Sain Ffagan: Amgueddfa Cymru. Roedd Becky yn arfer gweithio yn Sain Ffagan: Amgueddfa Werin Cymru ar ein project Cofroddion, ac mae’n cynnal sesiynau celf a chrefft amrywiol i bobl o bob oed ac yn artist talentog ei hun.

Rwyf wedi ychwanegu rhai lluniau i ddangos gwaith y clwb cwiltio. Os oes gennych chi ffotograff sy’n dangos datblygiad eich gwaith, anfonwch e-bost ata i gan ei bod hi’n wych gweld sut hwyl mae pawb yn ei gael arni! Fy nghyfeiriad e-bost yw sian.lile@amgueddfacymru.ac.uk

Dyma dyddiadau’r sesiynau i chi lenwi’ch dyddiadur. Mae’n rhaid archebu gan fod nifer cyfyngedig o lefydd, felly ffoniwch (029) 2057 3414 i gadw lle.

3 Mawrth 11am-12.30pm – Clwb Cwiltio

17 Mawrth 11am-12.30pm – Gweu

31 Mawrth 11am-12.30pm – Brodio

14 Ebrill 11am-12.30pm – Printio

28 Ebrill 11am-12.30pm – Brodio

12 Mai 10.30am-12.30pm – Rygiau Rhacs

19 Mai 11am-12.30pm – Gweu

26 Mai 10.30am-12.30pm – Rygiau Rhacs

7 Gorffenaf 11am-12.30pm - Clwb Cwiltio

1 Medi 11am-12.30pm - Clwb Cwiltio

3 Tachwedd 11am-12.3opm - Clwb Cwiltio

Mae pob sesiwn am ddim a darperir rhai deunyddiau i’ch rhoi ar ben y ffordd. Dewch â hen ddillad neu ffabrig os ydych chi’n cymryd rhan yn y sesiwn rygiau rhacs.