: Ymgysylltu â'r Gymuned

Dyma ddiweddariad am ein prosiect fflach amgueddfa.

Rydym yn creu fflach Amgueddfa ynglyn a Chaerdydd, gyda Amgueddfa Stori Caerdydd, gyda cefnogaeth Cronfa Dreftadaeth y Loteri, ar gyfer Cynhadledd Cymdeithas yr Amgueddfeydd yng Nghaolfan y Mileniwm, Caerdydd, ar 9-10 Hydref. Cyn i ni ei greu, rydym wedi gofyn i bobl Caerdydd a thu hwnt i’n helpu i gasglu straeon a gwrthrychau.

Cyn belled, rydym wedi cynnal 3 gweithdy yn Amgueddfa Stori Caerdydd. Rydym wedi casglu dros 30 o straeon Caerdydd ar ffilm a chardiau stori a wedi gweld gwrthrychau gwych a gwahanol sydd i gyda a rhywbeth i’w ddweud am Gaerdydd yn eu ffordd unigryw eu hunain. Mae’r broses wedi dod a phobl ynghyd i drafod a rhannu eu straeon am Gaerdydd. 

Cynhaliwyd y gweithdy diweddaraf yn Amgueddfa Stori Caerdydd rhwng 6-8yh ar 11 o Fedi. Roedd caws, gwin a diodydd ysgafn ar gael i ychwanegu at awyrgylch gymdeithasol y noson. Erbyn diwedd y sesiwn, roedd 20 o bobl wedi picio i mewn a rhannu eu straeon. Fe aethom a camera fideo allan ar y stryd a ffilmio 20 voxpop gan grwp amrywiol o bobl! Roedd rhai yn hynod o ddigri, a byddent yn cael eu dangos yn ystod y fflach Amgueddfa yng Nghaolfan y Mileniwm.

Y Gwrthrych Cyntaf

Corgi polystyren oedd y gwrthrych cyntaf i ni ei dderbyn. Roedd wedi cael ei adael allan gyda'r sbwriel ar stryd yn y Rhath - ond cafodd ei achub, ei olchi, ac mae bellach yn byw yn hapus gyda ei berchnogion newydd mewn ystafell fyw yng Nghaerdydd.

Cynllunio’r fflach amgueddfa

Fel mae’r nifer o storiau a gwrthrychau Caerdydd yn tyfu, tyfu hefyd mae’r angen i ni feddwl ynglyn a sut mae arddangos yr hyn sydd weid ei gasglu. Bydd y Fflach Amgueddfa yn symud i Ganolfan y Mileniwm ar y 9-10 Hydref ar gyfer Cynhadledd Cymdeithas yr Amgueddfeydd felly bydd yn rhaid iddo fod yn hyblyg ac yn hawdd i’w greu.

Rydym wedi dechrau mynd drwy storfa Amgueddfa Genedlaethol Caerdydd am gasus, silffoedd, seddi, unrhywbeth! Dyma gasgliad o beth rydym wedi ei ddarganfod:

• Bwrdd mawr lle gall pobl eistedd a trafod eu straon. Un syniad o ran arddangos yw rhoddi bocsus clir ar y bwrdd, a’u rhoddi ar ben ei gilydd fel bod yn arddangosfa yn tyfu dros ddeuddydd.
• Ambell i gas hyfryd sydd ar hyn o bryd yn yr orielau celf cyfoes yn Amgueddfa Genedlaethol Caerdydd. Bydd hyn yn caniatau i ni arddangos gwrthrychau o Amgueddfa Stori Caerdydd a’r casgliadau cenedlaethol sydd yn dweud rhywbeth am Gaerdydd yng Nghanolfan y Mileniwm.
• Mwy o seddi! Rhai eithaf neis allan o ddefnydd llwyd.
• Ac yn olaf…Billy y Morlo!

Nid ydym yn siwr eto os fydd Billy’n cael dod gyda ni i Ganolfan y Mileniwm, ond rydym yn ceisio gweld os bydd yn bosibl. Mae ysgerbwd Billy wedi bod yn rhan o gasgliadau Amgueddfa Cymru er y 1940au. Daeth Billy i Gaerdydd yn 1912, pan ddarganfu pysgotwyr ef yn eu rhwydi. Cafodd yr enw Billy cyn canfod cartref newydd yn Llyn Parc Fictoria.

Yn ol y son, fe wnaeth Billy ddianc pan fu llifogydd a nofiodd lawr Cowbridge Road. Ar y ffordd, stopiodd mewn siop bysgod leol ac archebu ‘dim sglodion, dim ond pysgodyn os gwelwch yn dda’. Aeth yna i’r Admiral Napier am beint, hanner o ‘dark’, ond cafodd ei ddal a dychwelodd i’r llyn.

Wyddo ni ddim os yw hyn yn wir, ond mae nifer o drigolion lleol yn taeru eu bod.

Dilynwch y blog hwn i ganfod os caiff Billy ddianc eto!

Gwybodaeth bellach

Gweithdy nesaf y fflach Amgueddfa

27 Medi 11.00yb-1.00yh, Amgueddfa Stori Caerdydd

Am fwy o wybodaeth ynglyn a chreu fflach Amgueddfa dilynwch y linc yma (Saesneg yn unig):

http://popupmuseum.org/pop-up-museum-how-to-kit/

Ffermdy Hendre'r Ywydd Uchaf

Mae Elan yn gwirfoddoli gyda fforwm ieuenctid Sain Ffagan. Yn ddiweddar, treuliodd Elen amser gydag ein Uned Adeiladau Hanesyddol ac mae wedi ysgrifennu am ei phrofiad isod;

Arddangosiadau Tîm Adeiladau Hanesyddol

Fel rhan o’r arddangosiadau Tîm Adeiladau Hanesyddol yn Sain Ffagan, es i i Hendre’r Ywydd Uchag i weld saer coed wrth ei waith. Pan gyrhaeddais roedd yn brysur yn gweithio ar ffrâm ddrws ar gyfer y Pentref Oes Haearn newydd gyda phren a oedd o’r safle ac wedi cael ei dorri y bore hwnnw. Roedd rhaid i’r gwaith gael ei wneud gyda llaw heb unrhyw gymorth oddi wrth beiriannau. Roedd e’n fwy na hapus i siarad â ni ynglŷn â’i waith ac i ateb ein cwestiynau. Soniodd ynglŷn â’i hanes proffesiynol, ei fod wedi gwneud NVQ mewn gwaith saer hanesyddol a’i fod newydd orffen ei brentisiaeth ar ôl gweithio yn yr amgueddfa am bum mlynedd. Roedd ei edmygedd tuag at wybodaeth y crefftwyr mwy profiadol yn glir ac roedd yn ymwybodol fod y wybodaeth hon yn dod o brofiad ac nid ar sail cymwysterau.

Esboniodd wedyn sut daethant â’r adeiladau i’r amgueddfa gan ddisgrifio’r cynnyrch terfynol fel ‘flatpack buildings’ wrth iddynt rifo’r holl friciau o amgylch ochrau’r adeilad cyn ei dynnu i lawr a’i ailadeiladu. Defnyddiodd Dŷ Hwlffordd a Gorsaf Drenau Raglan fel esiamplau. Roedd pwysigrwydd cadwraeth yn y broses hon yn eglur wrth iddo sôn mai dim ond tynnu’r hyn sydd angen ei dynnu ffwrdd roedd rhaid gwneud wrth atgyweirio adeiladau. Esboniodd sut byddai datblygiadau newydd sydd ar droed yn Sain Ffagan yn arwain at waith newydd e.e. Palas y Tywysog o Ynys Môn lle bydd rhaid iddynt drin 480kg o bren! Dyma oedd amser gwerth ei dreulio er mwyn deall sut roedd yr adeiladu’n digwydd yn Sain Ffagan.

by Elan Llwyd

We ran an ‘I Spy…Nature’ drawing competition across the summer to celebrate our natural sciences pop-up museum and launch of a new exhibition at National Museum Cardiff. Our young visitors used some of the specimens from the museum collections as inspiration for their drawings. We had some fantastic entries and it was extremely difficult to choose the best nine drawings. However, after much deliberation we have chosen first, second and third places in 3 age categories (under 6, 6-9 and 10-13). The winners will be receiving natural history goodies from the museum shop. Many thanks to everyone who took part, we have really enjoyed seeing all of your wonderful drawings.

Museum scientists have been popping up in the Capitol Shopping Centre throughout the summer with their I Spy…Nature pop-up museum. Natural Sciences staff spent 9 days there with a variety of specimens from the Museum’s collections. Every day had a different theme from shells, to fossils, plants and minerals to name just a few. The public were able to ask our curators questions and find out about our new exhibition at National Museum Cardiff (I Spy…Nature), which is open until April 2015. We ran a drawing competition alongside the pop-up with some fantastic entries. We have chosen winners in three different age categories and they will be visiting us at the museum to have special tours behind the scenes and to claim their prizes. The winning entries will be posted on-line in the next few weeks. 2437 people visited us on the stand, which is a fantastic figure. Next we will be popping up at Fairwater Library on the 30^th October and visiting 10 schools throughout the autumn.

Helo eto!

Dros y penwythnos, yng nghanol wal anferth NATO a heddlu arfog, cynhaliwyd ail weithdy’r fflach amgueddfa. Pwrpas y gweithdai hyn yw canfod cynnwys ar gyfer y fflach amgueddfa sy’n cael ei greu yn Nghynhadledd Cymdeithas yr Amgueddfeydd ym mis Hydref fel rhan o Wyl Amgueddfeydd Cymru. Mae’r fflach amgueddfa yn cael ei chreu gan staff o Amgueddfa Stori Caerdydd, Amgueddfa Cymru a Cronfa Dreftadaeth y Loteri gyda cynnwys yn dod gan unrhyw un sydd a stori i’w dweud am Gaerdydd.

Y tro yma, yn hytrach na gweithdy dwy awr, fe wnaethom drio annog pobl i bicio mewn... Yn anffodus, roedd yn ddiwrnod eithaf tawel. Er hyn, fe gawsom ambell i stori gwerth chweil. Clywsom gan ddiddanwyr stryd oedd heb fod yng Nghaerdydd yn gweithio ar ddydd Sadwrn am ugain mlynedd ond oedd yn ol ar gyfer priodas, a gan ddyn arall oedd yn cofio dod i Gaerdydd ar gyfer gwaith ac a ddechreuodd fynychu’r Vulcan yn rheolaidd.

Y broblem fwyaf gyda sesiwn fel hyn oedd bod pobl ddim gyda gwrthrychau ac os oedden nhw gyda hwy, nid oeddynt yn fodlon eu gadael. Golygali hyn ar derfyn y ddwy awr nad oedd gennym fflach amgueddfa, dim on casgliad o straeon. Gwers wedi’i dysgu!

Mae’r sesiwn nesaf yn mynd i fod ar nos Iau, 11eg o Fedi rhwng 6 ac 8yh yn Amgueddfa Stori Caerdydd felly dewch draw a gallwch wneud bach o siopa hwyr neu fynd am swper wedyn. Bydd hwn yn weithdy dwy awr felly fe fydd gennym amgueddfa wytch erbyn y diwedd.

Mawr obeithiwn y gallwch fynychu.

Cysylltwch gyda Arran Rees ar Cardiffstory@cardiff.gov.uk neu 02920 788334 am fwy o wybodaeth.